Tramps And Hawkers


Oh come all ye tramps and hawker lads ye gatherers oblaw
That tramps the country round and round come listen one and all
I’ll tell to you a rovin’ tale of sights that I have seen
It’s far into the snowy north and south by Gretna Green

Oftimes I’ve laughed unto mysel’ when trudgin’ on the road
My toerags round my blistered feet, my face as broon ‘s a toad
Wi’ lumps o’ cake and tattie scones, wi’ whangs o’ braxie ham
Nae gi’en a thocht tae whaur I’ve been an’ less tae whaur I’m gan

I’ve done my share o’ humpin’ wi’ the dockers on the Clyde
I’ve helpit Buckie trawlers haul their herrin’s o’er the side
I’ve helped tae build yon michty bridge that spans the busy Forth
Wi’ mony an Angus farmer, I’ve ploo’ed the bonnie earth

I’m happy in the summer time beneath the bricht blue sky
No thinkin’ in the mornin’ whaur at nicht I’m ga’en tae lie
In barn or byre or anywhere, dossin’ oot among the hay
An’ if the weather treats me right I’m happy every day

Luke Kelly collected this well known song in Scotland. It is a truncated version of the much fuller songĀ Come A’ Ye Tramps An’ Hawkers performed by the late Jimmy MacBeath.